Негизги жыйынтыктар
Сатып алуу жана сатуу баасынын айырмасы – бул эң төмөнкү сатуу буйрутма баасы менен эң жогорку сатып алуу буйрутма баасынын ортосундагы айырманы көрсөтөт.
Слиппедж – төмөн ликвиддүүлүктөн же базардагы баанын өзгөрүшүнөн улам соода күтүлгөндөн башка баада аткарылганда орун алат.
Баалардын айырмасы азыраак жана слиппедж төмөнүрөөк болсо, бул адатта дурус жана ликвиддүү базардын белгиси болуп эсептелет. Эки концепция тең көрүнөө акылардан тышкары, чыныгы соода чыгымдарын түшүнүү үчүн маанилүү.
Киришүү
Криптовалюта биржасында активдерди сатып алганыңызда жана сатканыңызда, базар баалары суроо-талап менен сунушка түздөн-түз байланыштуу болот. Баадан тышкары эске ала турган маанилүү факторлорго соода көлөмү, базардын ликвиддүүлүгү жана буйрутманын түрлөрү кирет. Базардын шарттарына жана колдонулган буйрутмалардын түрлөрүнө жараша, сизге ар дайым каалаган баада соода жүргүзүү мүмкүн боло бербейт.
Сатып алуучулар менен сатуучулардын ортосунда ар дайым сүйлөшүүлөр жүрүп турат. Бул эки тараптын ортосунда баалардын айырмасын жаратат (сатып алуу жана сатуу баасынын айырмасы). Соода кылгыңыз келген активдин көлөмүнө жана анын баасынын өзгөрүшүнө жараша слиппеджге да туш болушуңуз мүмкүн (бул тууралуу кийинчерээк айтылат). Ошондуктан, күтүлбөгөн окуяларды болтурбоо үчүн биржанын буйрутма китебинин негизги түшүнүгүн билүү пайдалуу болот.
Сатып алуу жана сатуу баасынын айырмасы деген эмне?
Сатып алуу жана сатуу баасынын айырмасы – бул буйрутма китебиндеги эң жогорку сатып алуучунун сунуш баасы менен эң төмөнкү сатуучунун сунуш баасы ортосундагы айырма. Салттуу базарларда баалардын айырмасы көбүнчө маркет мейкерлер же брокердик ликвиддүүлүк провайдерлери тарабынан түзүлөт. Криптовалюта базарында баалардын айырмасы – сатып алуучулар менен сатуучулардын чектелген буйрутмаларынын ортосундагы айырмасынын натыйжасы болуп саналат.
Эгер дароо сатып алууну кааласаңыз, анда сатуучунун эң төмөнкү сунуш баасын кабыл алышыңыз керек. Эгер дароо сатууну кааласаңыз, анда сатып алуучунун эң жогорку сунуш баасын кабыл алышыңыз керек.
Жогору ликвиддүү активдердин (мисалы, форекс) сатып алуу жана сатуу баасынын айырмасы төмөнүрөөк болот. Бул сатып алуучулар менен сатуучулар буйрутмаларын активдин баасына олуттуу өзгөртүүлөрсүз аткара алаарын билдирет. Бул буйрутма китебиндеги буйрутмалардын чоң көлөмдө болушуна байланыштуу. Сатып алуу жана сатуу баасынын айырмасы чоңураак болсо, чоң көлөмдөгү буйрутмалар жабылганда, баанын өзгөрүшү олуттуураак болот.
Маркет мейкерлер, сатып алуу жана сатуу баасынын айырмасы
Ликвиддүүлүк түшүнүгү каржы базарларында чечүүчү мааниге ээ. Ликвиддүүлүгү төмөн базарда соода кылууга аракет кылсаңыз, башка соодагер сиздикине дал келген буйрутманы бергенге чейин күтүүгө туура келиши мүмкүн.
Ликвиддүүлүктү түзүү маанилүү, бирок бардык эле базарлар тек соодагерлердин гана ликвиддүүлүгүнө таяна албайт. Салттуу базарларда мисалы, брокерлер жана маркет мейкерлер ликвиддүүлүктү камсыз кылышат жана бул үчүн сатып алуу жана сатуу баасынын айырмасынан киреше алышат.
Маркет мейкер бир эле учурда активди сатып алуу жана сатуу аркылуу сатып алуу жана сатуу баасынын айырмасынан пайда таба алат. Кайра-кайра сатуучунун жогорку сунуш баасында сатуу жана сатып алуучунун төмөн сунуш баасында сатып алуу менен маркет мейкерлер баалардын айырмасынан киреше табышы мүмкүн. Баалардын айырмасы кичинекей болсо да, бир күн бою чоң көлөм менен соода кылганда ал олуттуу киреше алып келет. Жогорку сурамга ээ болгон активдердин бааларынын айырмасы азыраак, анткени маркет мейкерлер атаандашып, баалардын айырмасын кыскартат.
Мисалы, маркет мейкер бир эле учурда BNB'ни ар бир коин үчүн $800гө сатып алууну жана BNB'ни $801ге сатууну сунуштап, баалардын айырмасын $1 кыла алат. Рынокто дароо соода кылууну каалагандар, алардын позицияларын кабыл алышы керек болот. Баалардын айырмасы эми сатып алган нерселерин сатып, саткандарын кайра сатып алган маркет мейкердин кирешеси болуп калат.
Тереңдик диаграммасы, сатып алуу жана сатуу баасынын айырмасы
Криптовалютанын реалдуу мисалдары аркылуу соода көлөмү, ликвиддүүлүк жана сатып алуу жана сатуу баасынын айырмасынын байланышын карап көрөлү. Binance биржасынын интерфейсинде [Тереңдик] диаграммасына өтүү менен сатып алуу жана сатуу баасынын айырмасын оңой көрө аласыз. Бул баскыч диаграмма аймагынын жогорку оң бурчунда жайгашкан.
[Тереңдик] параметри активдин буйрутма китебинин графикалык көрүнүшүн чагылдырат. Сатып алуучунун сунуш баасынын саны жана баасы жашыл түстө, ал эми сатуучунун сунуш баасынын саны жана баасы кызыл түстө көрсөтүлгөн. Эки аймактын ортосундагы аралык – бул сатып алуу жана сатуу баасынын айырмасы болуп саналат. Аны эсептөө үчүн сатуучунун сунуш баасын алып, андан сатып алуучунун сунуш баасын кемитесиз.
Жогоруда айтылгандай, ликвиддүүлүк менен сатып алуу жана сатуу баасынын айырмасынын ортосунда божомолдонгон байланыш бар. Соода көлөмү ликвиддүүлүктүн жалпы кабыл алынган көрсөткүчү болуп саналат. Ошондуктан биз активдин баасынын пайызы катары сатып алуу жана сатуу баасынын айырмасы азыраак болушу менен жогорку көлөмдөрдү көрүүнү күтөбүз. Көп соодаланган криптовалюталар, акциялар жана башка активдерде адатта сатып алуу жана сатуу баасынын айырмасынан пайда алууга аракет кылган соодагерлердин атаандаштыгы күчтүү болот.
Сатып алуу жана сатуу баасынын айырмасынын пайызы
Ар түрдүү криптовалюталардын же активдердин сатып алуу жана сатуу баасынын айырмасын салыштыруу үчүн аны пайыз түрүндө эсептешибиз керек. Эсептөө жөнөкөй:
(Сатуучунун сунуш баасы−Сатып алуучунун сунуш баасы)/Сатуучунун сунуш баасыx100=Сатып алуу жана сатуу баасынын айырмасынын пайызы
Мисал катары, Трамптын расмий мем-коинин, TRUMP алалы. Жазуу учурунда TRUMP үчүн сатуучунун сунуш баасы $9,44, ал эми сатып алуучунун сунуш баасы $9,43 болгон. Бул айырма бизге $0,01 сатып алуу жана сатуу баасынын айырмасын берет. $0,01ди $9,44кө бөлүп, аны 100гө көбөйтсө, жыйынтык сатып алуу жана сатуу баасынын айырмасын 0,106% кылып берет.
Эми Bitcoin'дин сатып алуу жана сатуу баасынын айырмасы $1 дейли. Бул TRUMP'тан жогору болсо да, пайыздык көрсөткүч менен салыштырганда Bitcoin'дин сатып алуу жана сатуу баасынын айырмасы болгону 0,000844% түзөт (баалардын айырмасы $1 болгон сценарийди эске алганда). TRUMP'тын соода көлөмү дагы бир кыйла төмөн. Бул азыраак ликвиддүү активдердин сатып алуу жана сатуу баасынын айырмасы чоңураак болот деген теориябызды тастыктайт.
Bitcoin'дин бааларынын айырмасы төмөн болушу бизге кандайдыр бир жыйынтык чыгарууга мүмкүндүк берет. Сатып алуу жана сатуу баасынын айырмасынын пайызы төмөн актив көбүнчө жогорку ликвиддүүлүккө ээ болот. Чоң базар буйрутмаларын аткаргыңыз келсе, күтүлбөгөн бааны төлөө тобокелдиги адатта төмөн болот.
Слиппедж деген эмне?
Слиппедж бул көбүнчө баанын өзгөрүшү жогору же ликвиддүүлүк төмөн болгон базарларда кездешүүчү көрүнүш. Слиппедж соода күтүлгөн же суралган баадан башка баада аткарылганда пайда болот.
Мисалы, $100 сатып алуу үчүн чоң базар буйрутмасын жайгаштыргыңыз келди дейли, бирок бул баа боюнча буйрутмаңызды аткаруу үчүн базарда ликвиддүүлүк жетишсиз. Натыйжада, буйрутмаңыз толук аткарылганга чейин кийинки буйрутмаларды ($100 доллардан жогору) аткарууга туура келет. Натыйжада, сатып алган орточо бааңыз $100дөн жогору болуп калат – бул көрүнүш слиппедж деп аталат.
Башкача айтканда, сиз базар буйрутмасын түзгөндө, биржа автоматтык түрдө сиздин сатып алуу же сатуу буйругуңузга буйрутмалар китебиндеги чектелген буйрутмалары менен салыштырат. Буйрутма китеби сиз үчүн эң жакшы бааны табат, бирок соода көлөмү сиз каалаган бааны канааттандыруу үчүн жетишсиз болсо, сиз буйрутма тизмесинин ылдый жагына өтөсүз. Бул процесстин натыйжасында базар буйрутмаңызды күтүлбөгөн жерден, башка баада аткарат.
Криптовалютадагы слиппедж – бул автоматтык базар мейкерлерде жана борборсуздаштырылган биржаларда көп кездешүүчү көрүнүш. Кээ бир учурларда күткөн баанын 10%дан да жогору болушу мүмкүн – айрыкча жогорку өзгөрмөлүү же ликвиддүүлүгү төмөн болгон альткоиндерде.
Позитивдүү слиппедж
Слиппедж сөзсүз түрдө баа күтүлгөндөн төмөн болот дегенди билдирбейт. Эгер сатып алуу буйрутмасы берилгенде баа төмөндөсө же сатуу буйрутмасы берилгенде жогоруласа позитивдүү слиппедж орун алышы мүмкүн. Сейрек кездешсе да, кээ бир жогорку өзгөрмөлүү базарларда позитивдүү слиппедж орун алышы ыктымал.
Жол берилген слиппедж
Кээ бир биржалар слиппеджге дуушар болууңузду чектөө үчүн жол берилген слиппедж деңгээлин кол менен орнотууга мүмкүндүк берет. Бул параметр PancakeSwap же Uniswap сыяктуу автоматтык базар мейкерлерде жеткиликтүү.
Бул функция системага: «Менин соодамдын баасы X% чейин арзандаса мейли» деп айтат. Сиз койгон слиппедждин өлчөмү буйрутмаңыздын аткарылуу убактысына терс таасирин тийгизиши мүмкүн. Эгерде слиппеджди өтө төмөн койсоңуз, буйрутмаңыздын аткарылышы көпкө созулушу мүмкүн же такыр аткарылбай калышы мүмкүн. Эгер өтө жогору койсоңуз, башка соодагер (же бот) күтүлүп жаткан буйрутмаңызды көрүп, сизден мурун сатып алышы мүмкүн.
Мындай учурда, башка соодагер активди биринчилерден болуп сатып алуу үчүн сизге караганда жогорураак транзакция акысын койгондо, алдыга озунуу пайда болот. Андан кийин алдыга озунган катышуучу жол берилген слиппеджиңиздин негизинде активди сиз кабыл алууга даяр болгон максималдуу баада сизге сатуу үчүн башка соодага кирет.
Терс слиппеджи азайтуу
Слиппеджди дайыма эле болтурбоо мүмкүн болбосо да, аны азайтуу үчүн колдоно турган бир нече стратегия бар.
1. Чоң буйрутмаларды бөлүү
Чоң буйрутмаларды бергендин ордуна, аны кичине блокторго бөлүп көрүңүз. Буйрутмаларыңызды бир калыпта бөлүштүрүү жана жеткиликтүү соода көлөмдөн ашкан буйрутмаларды жайгаштырбоо үчүн буйрутма китебин кылдаттык менен көзөмөлдөңүз.
2. Транзакция акыларын текшерүү
Эгерде борборсуздаштырылган биржаны колдонуп жатсаңыз, транзакциянын акысын эске алууну унутпаңыз. Кээ бир тармактарда блокчейн трафигине жараша жогору төлөмдөр болуп, ал кирешеңизден ашып кетиши мүмкүн.
3. Ликвиддүүлүгү төмөн активдерден алыс болуңуз
Төмөн ликвиддүүлүктөгү активдер, мисалы, ликвиддүүлүк пулу менен иштегенде, соода кылуу ишиңиз активдин баасына олуттуу таасир этиши мүмкүн. Мүмкүн болсо, ликвиддүүлүгү жогору базарларды тандаңыз.
4. Чектелген буйрутмаларды колдонуңуз
Базар буйрутмаларынан айырмаланып, чектелген буйрутмалар сиз каалаган баада же жакшыраак баада гана аткарылат. Көбүрөөк күтүүгө туура келиши мүмкүн, бирок бул терс слиппеджден алыс болуунун ишенимдүү жолу.
Жыйынтыктоочу ойлор
Криптовалюта менен соода кылганда, сатып алуу жана сатуу баасынын айырмасы же слиппедж сиздин соодаңыздын акыркы баасын өзгөртүшү мүмкүн экенин унутпаңыз. Андан сактануу дайыма эле мүмкүн боло бербейт, бирок чечим кабыл алууда муну эске алуу зарыл. Чакан соода үчүн бул минималдуу болушу мүмкүн, бирок көлөмү чоң буйрутма менен бирдигинин орточо баасы күтүлгөндөн бир топ жогору болушу мүмкүн экенин унутпаңыз.
Борборсуздаштырылган каржы менен эксперимент кылгандар үчүн, слиппеджди түшүнүү соода негиздеринин маанилүү бөлүгү болуп саналат. Негизги билимсиз, алдыга озунуудан же ашыкча слиппеджден улам акчаңызды жоготуу коркунучуна кабыласыз.
Андан ары окуу
Криптовалютада күндөлүк соода кылуу vs узак мөөнөттүү сактоо (HODLing): кайсы стратегия сизге туура?
Дисклеймер: бул мазмун сизге «бар болгон абалында» гана жалпы маалымат жана билим берүү максатында сунушталат, жана анын тактыгы, же башка кандайдыр бир кепилдик бериле албайт. Каржылык, юридикалык же башка кесиптик кеңеш катары кабыл алынбашы керек жана ал кандайдыр бир белгилеген үнөмдү же кызматты сатып алууну сунуштоо максатында да арналган эмес. Сиз өзүңүздүн абалыңызга ылайык тиешелүү кесиптик кеңешчилерден кеңеш алганыңыз маанилүү. Бул макалада айтылган өнүмдөр сиздин аймакта жеткиликтүү болбой калышы мүмкүн. Эгер макала үчүнчү жактын катышуучусу тарабынан берилсе, анда ал пикирлер үчүнчү жакка таандык экенин жана ал пикирлердин ар дайым Binance академиясынын көз карашын чагылдырбашы мүмкүн экенин эске алыңыз. Толугураак маалымат алуу үчүн биздин жоопкерчиликтен баш тартуу тууралуу толук эскертмени окуп чыгыңыз. Санарип активдердин баасы туруксуз болушу мүмкүн. Сиздин инвестицияңыздын наркы төмөндөшү же жогорулашы ыктымал жана сиз салган сумманы кайра кайтарып албай калышыңыз мүмкүн. Инвестиция боюнча кабыл алган чечимдер үчүн толугу менен өзүңүз жооп бересиз жана Binance академиясы сиз тарткан жоготуулар үчүн жооптуу эмес. Бул материал каржылык, юридикалык же башка кесиптик кеңеш катары кабыл алынбашы керек. Кененирээк маалымат үчүн биздин Колдонуунун шарттарын жана Тобокелчилик жөнүндө эскертүүнү окуп чыгыңыз.